PSE-EE DONOSTIA

• Facebook
• Twitter
• Google +
• Pinterest

Gaur gauean amaituko dira Ondarreta hondartzatik hondarra galbahetu eta harriak kentzeko lanak, mareabehera dagoen bitartean. Begiz jota, 3.000 metro kubo pasatu dituzte galbahetik, eta, haietatik, % 30 harriak dira.

Hondartza gainazalean agertzen diren harririk handienak kentzea da egiten ari den eragiketaren helburua. Egiaztatu dugunaren arabera, dena dela, itsasbazterrean, mareabehera dela, hartxintxarrak metatzen dira, mareekin batera mugitzen baitira. Horretarako, galbahea duen traktore bat ekartzea erabaki dugu, eta harritxo horiek kenduko ditu horrek. Uda osoan, noizean behin galbahetuko du hondarra, hondartza egoerarik onenean egon dadin bainuzaleentzat eta ibiltarientzat. Gaur bertan saio bat egingo du, zenbateraino den eraginkorra erakusteko, eta, beharbada, hondartza mantentzeko lanetarako erabil liteke denboraldia amaitu arte.

Egunotako eragiketa bukatutakoan, hondarra hondartzatik zabaltzen eta berdintzen hasiko dira, bahetu bitartean mugitu eta metatu baitute.

DOCUMENTACIÓN

• Sakatu hemen prentsa oharra irakurtzeko (PDF)